Leikarinn Chris Hemsworth hefur áreiðanlega laumað sér inn í drauma margra kvenna enda er hann myndarlegur, hávaxinn og einstaklega skemmtilegur ef marka má viðtöl við hann.
Skemmtilegt myndbrot af leikaranum hefur breiðst út eins og eldur í sinu þar sem hann er með nokkrar jákvæðar staðhæfingar sem flestir ættu að tileinka sér.
„Dagurinn í dag er þinn dagur. Það eina sem er fallegra en bros þitt er persónuleiki þinn. Vissir þú að þú ert allur pakkinn? Á skalanum einn til tíu þá ertu ellefu. Láttu ljós þitt skína. Ég er stoltur af þér,“ segir leikarinn í myndbrotinu.