Carla Bruni, fyrrverandi forsetafrú Frakklands, segir lykilinn að hamingjuríku hjónabandi vera heppni. Bruni giftist fyrrverandi forseta Frakklands, Nicolas Sarkozy, árið 2008. 

Bruni segir að sér hafi liðið eins og ungri konu þegar Sarkozy bað móður hennar um leyfi til að biðja hana að giftast sér, aðeins tveimur dögum eftir að þau fóru á fyrsta stefnumótið. 

„Allt er rómantískt með Nicolas. Í fyrsta lagi hittumst við á þriðjudegi og hann bað mig að giftast sér á fimmtudegi eftir að hafa beðið mömmu mína um leyfi,“ sagði Bruni í viðtali við Good Morning Britain í vikunni. 

Bruni og Sarkozy eiga saman dótturina Giuliu sem er átta ára. Fyrir átti Bruni soninn Aurélien Enthoven og Sarkozy á þrjú börn úr fyrri samböndum. 

Bruni segist vera mjög heppin að hafa hitt lífsförunaut sinn seint á lífsleiðinni. „Ég held að þetta sé bara heppni. Við vorum heppin því við eignuðumst dóttur saman, við áttum fjögur börn áður en við giftumst. Við áttum dóttur okkar frekar seint, á þeim aldri sem við ættum að verða amma og afi, þannig að ég held að þetta hafi bara verið heppni að við giftumst seinna,“ sagði Bruni.

Bruni segir að allt sé rómantískt með Sarkozy. PHILIPPE WOJAZER

Tengdar fréttir

Samskipti kynjanna

Litlu hlutirnir í samböndum skipta máli

• „Þessar áskoranir eru mjög algengar í ADHD parasambandi“
• Missti meydóminn 35 ára gömul
• Íslenskur karl leitar ráða vegna leiðinlegrar eiginkonu
• Kynlífið snarminnkaði eftir að sambúðin hófst

» Fleiri tengdar fréttir

• Blogga um frétt