Frú Beckham á 14 trúlofunarhringa

Það eru ekki allir sem eiga einn trúlofunarhring, hvað þá fleiri. Fatahönnuðurinn og kryddpían fyrrverandi, Victoria Beckham, á hins vegar 14. Auðæfi Victoriu Beckham eru metin á 340 milljónir punda og skartgripasafn hennar á 8,9 milljónir punda. 

Trúlofunarhringar frú Beckham eru alls 14 að því fram kemur á vef götublaðsins The Sun. Hún sýndi einn úr safninu á instagrammynd á dögunum. Hringinn fékk frú Beckham í tilefni af 18 ára brúðkaupsafmæli Beckham-hjónanna. Hún sást fyrst með hann í New York árið 2018. 

David og Victoria Beckham. AFP

David Beckham bað Victoriu Beckham árið 1998 og gaf henni þá demantshring sem er metinn á 65 þúsund pund. Fjórum árum seinna fór knattspyrnuhetjan aftur á skeljarnar og gaf spúsu sinni annan hring. Frá árinu 2003 til 2010 fékk hún nýjan hring á hverju ári. Hring númer 11 fékk hún árið 2012 og 12. hringinn fékk hún árið 2015. Nýir hringar sem líkjast trúlofunarhringum bættust við safn frú Beckham árin 2016 og 2018. 

• Blogga um frétt