Vala Valtýsdóttir, lögmaður á Lögfræðistofu Reykjavíkur, svarar spurningum lesenda Smartlands. Hér fær hún spurningu um konu sem tók lán hjá fjölskylduvini. 

Sæl.

Fyrir nokkru fékk ég lán hjá fjölskylduvini sem kemur fram á skattaskýrslu. Hún hefur haft á orði að við andlát hennar muni lánið falla niður ef það hefur ekki verið að fullu endurgreitt. Það er þó hvergi skjalfest, er ekki nauðsynlegt að skjalfesta það? Og mun ég þá þurfa að borga skatt af eftirstöðvum?

Kv. AA

Vala Valtýsdóttir lögmaður á Lögfræðistofu Reykjavíkur.

Sæl AA.

Annars vegar þarf að taka það fram í lánaskjalinu eða viðauka við það ef eftirstöðvar falla niður miðað við einhvern viðburð í framtíðinni. Hvað varðar skattalega vinkilinn hins vegar þá myndi slík eftirgjöf teljast til skattskyldra gjafa samkvæmt tekjuskattslögum en það eru einungis tækifærisgjafir sem geta talist undanþegnar tekjuskatti.

Kær kveðja, 

Vala Valtýsdóttir lögmaður. 

Liggur þér eitthvað á hjarta? Þú getur sent lögmönnum á Lögfræðistofu Reykjavíkur póst HÉR. 

Tengdar fréttir

Spurðu lögmanninn

Skerðist ellilífeyrir ef húsið er selt og minni íbúð keypt?

• Er söluhagnaður íbúðarhúsnæðis undanþeginn skattlagningu?
• Skerðir arfur ellilífeyri?
• Getur faðir gert erfðaskrá og rýrt hlut sonar síns?
• Skerðast tekjur hjá eldri borgurum við sölu á sumarhúsi?

» Fleiri tengdar fréttir

• Blogga um frétt