Þyrí Steingrímsdóttir lögmaður á Lögfræðistofu Reykjavíkur svarar spurningum lesenda Smartlands. Hér fær hún spurningu frá manneskju sem spyr út í erfðarétt ef fólk er ekki gift.
Sæl Þyrí
A og B eru í skráðri sambúð og ekki gift. A á barn fyrir og A og B eiga síðan börn saman.
B fær foreldraarf og kaupir sér eign sem er skráð 100% í eigu B.
Ef A fellur frá kemur þessi séreign til skiptana hjá því barni sem A á fyrir?
Ef B fellur frá hverjir erfa þessa séreign B?
Með fyrirfram þökk,
HHB
Góðan daginn HHB
Ef A og B eru skráð í sambúð en eru ekki gift þá er enginn réttur til arfs á milli þeirra ef annað fellur frá. Þá eiga önnur börn en þeirra eigin ekki heldur neinn rétt til arfs. Börn A erfa þannig eignir sem eru skráðar á A og börn B erfa eignir sem eru skráðar á B. Sameiginleg börn A og B fá arf frá þeim báðum.
Kær kveðja,
Þyrí Steingrímsdóttir lögmaður.
Liggur þér eitthvað á hjarta? Þú getur sent lögmönnum á Lögfræðistofu Reykjavíkur spurningu HÉR.