Stunda sjóðandi heitt kynlíf 10 sinnum á dag
Raunveruleikastjarnan Braunwyn Windham-Burke og kærasta hennar, fyrirsætan Victoria Brito, stunda kynlíf allt að tíu sinnum á dag. Windham-Burke segir kynlífið sjóðandi heitt og að fullnægingarnar vari í allt að 15 mínútur.
Windham-Burke kom út úr skápnum árið 2020, en hún var í raunveruleikaþáttunum Real Houswives of Orange County. Þær Brito hafa nú verið saman í um sex mánuði, en Windham- Burke, er enn gift eiginmanni sínum Sean Burke og er því í fjölkæru sambandi.
„Líkamlegi hlutinn af þessu er stórkostlegur. Ég ætla ekki að ljúga, kynlífið er á næsta stigi. Ég vona að allar konur fái að upplifa svona að minnsta kosti einu sinni á ævinni, það sem ég hef upplifað undanfarið,“ sagði Windham-Burke í viðtali við The Sun.
Hún segir að eiginmaður hennar sé líka hæfileikaríkur í svefnherberginu en að nýja kærastan veiti henni fullnægingar sem vara í 15 mínútur.
„Hún gefur mér þær í litlum skömmtum. Hún segir að ef hún gæfi mér allt í einu, gæti ég dáið. Við stundum kynlíf tíu sinnum á dag. Það er ekki eðlilegt.“
Hún bætir við að fyrir sambandið hafi hún ekki upplifað sjálfa sig sem mikla kynveru. Núna langi hana að hanga uppi í rúmi með kærustunni í marga daga. „Ég hélt aldrei að ég myndi verða þannig manneskja, ég er 44 ára og haga mér eins og 15 ára strákur,“ sagði Windham-Burke.
Hún skiptir tíma sínum á milli eiginmannsins og kærustunnar, á heimili í Newport með eiginmanninum og fjölskyldunni og íbúð í New York sem hún býr með Brito í.
„Ég á fallegt samband. Ég kynntist henni í New York, og mér líður eins og ég sé heima þegar ég er með henni. Það er ekki hægt að lýsa því öðruvísi.“