Ný „kenning“ hefur verið að gera allt vitlaust á Instagram undanfarna daga. Þetta er ekki fræði- né vísindakenning en gæti flokkast sem eins konar heimspekikenning.
Kona að nafni Mel Robbins birti myndband á samfélagsmiðlinum fyrir fjórum dögum þar sem hún segir frá „Let Them Theory“ eða „Leyfðu þeim-kenningunni" og hefur myndbandið vakið mikla lukku.
Kenningin snýst í stuttu máli um það að við eyðum of miklum tíma og orku í að pæla í öðrum og þeim væntingum sem við höfum til þeirra. Um leið og við hættum því, öðlumst við frelsi. „Hættu að eyða orkunni í að reyna að fá annað fólk til þess að standa undir þeim væntingum sem þú hefur til þeirra,“ skrifaði Robbins við færsluna.