Theodor Francis Birgisson klínískur félagsráðgjafi hjá Lausninni svarar spurningum lesenda Smartlands. Hér fær hann spurningu frá fráskilinni konu sem veltir fyrir sér hvort það sé gáfulegt að öll fjölskyldan fari saman í frí eftir skilnað. 

Sæll Theodor. 

Fyrrverandi maður minn vill enn vera að skipuleggja ferðalög saman sem fjölskylda (erum reyndar nýskilin með tvö börn). Ég er ekki alveg að nenna því en ætti ég að gera það fyrir börnin? Hvað er best að gera í svona tilfellum? Er fólk að fara einhverjar leiðir í þessum efnum?

Kveðja, 

LM 

Sæl og blessuð Linda og takk fyrir þessa spurningu.

Það er reyndar ekki til eitt svar fyrir alla í þessu málefni, það getur ráðist af ýmsum utanað komandi þáttum eins og hvað varð til skilnaðarins og hvernig er samskiptum háttað á milli þín og barnsföður síns. Það er samt oftar en ekki þörf á að fólk fái tækifæri til að fara í sitthvora áttina eftir skilnað og búa til sitt eigið líf á eigin forsendum.

Í flestum tilfellum er góð og gild ástæða fyrir skilnaði og oftast parar fólk sig aftur og þá getur verið flókið að tengsl við fyrri maka séu of mikil. Að þessu sögðu er að sjálfsögðu afar mikilvægt að foreldrar séu í sem allra besta samstarfi með börnin sín. Ég vona að þetta hjálpi.

K.kv

Theodor

Liggur þér eitthvað á hjarta? Þú getur sent Theodor spurningu HÉR. 

Tengdar fréttir

Theodor Francis Birgisson

Streita er óhjákvæmilegur hluti af mannlífinu

• Brotið traust í samböndum
• Á samband framtíð ef hann vill eignast barn en ekki hún?
• Hvað er til ráða ef skilnaðarbarnið vill ekki vera viku og viku?
• Er hægt að stoppa illt umtal maka nákomins aðila?

» Fleiri tengdar fréttir

• Blogga um frétt