Samkvæmt niðurstöðum könnunar sem þekkingarfyrirtækið Prósent framkvæmdi er 5% Íslendinga í eða hefur verið í opnu sambandi, þar af eru 2% svarenda núna í opnu sambandi.

Þetta kemur fram í tilkynningu frá Prósent.

Eitthvað virðist karlpeningurinn áhugasamari um opin sambönd en marktækt fleiri konur eða 84% á móti 78% karla segjast ekki hafa áhuga á opnu sambandi. 

Frétt af mbl.is

Fjölást eða framhjáhald?

Framkvæmd könnunarinnar fór fram á netinu dagana 28. mars til 15. apríl. Úrtakið voru 2.300 einstaklingar úr könnunarhópi Prósents, á aldrinum 18 ára og eldri og var svarhlutfallið 51%.

Frétt af mbl.is

„Þetta er málefni sem auðvelt er að hneykslast yfir“

Hlutfall svarenda sem hafa ekki verið í opnu sambandi en segjast opnir fyrir því er alls 8%. Þá eru 81% sem segjast hafa engan áhuga á opnu sambandi.

Alls 11% karlkyns svarenda könnunarinnar segjast ekki hafa verið í opnu sambandi en myndu vilja prófa miðað við 6% kvenna.

Frétt af mbl.is

„Maður er alveg fær um að elska fleiri en bara eina manneskju“

Marktækt fleiri konur eða 84% á móti 78% karla segjast ekki hafa áhuga á opnu sambandi. Lucas Newton/Unsplash

Yngsti hópur svarenda (18-24 ára) og elsti hópurinn (65 ára og eldri) hafa marktækt minni áhuga á opnu sambandi en hinir hóparnir.

Þegar borin er saman pólitík og áhugi á opnu sambandi kemur í ljós að 15% þeirra sem myndu kjósa aðra en fimm stærstu flokkana hafa ekki verið í opnu sambandi en eru opnir fyrir því. Það hlutfall er hærra en hjá þeim sem myndu kjósa t.d. Samfylkinguna, Sjálfstæðisflokkinn og Flokk Fólksins.

Tengdar fréttir

Samskipti kynjanna

Hvernig á að stunda skyndikynni án vesens?

• Hvað er „trauma bond“ og hvernig á að komast út úr því?
• Hvernig má komast úr herbergisfélaga-gírnum?
• „Við þráum nánd en samt ýtum við öðrum frá okkur“
• „Hann trúir að hann sé æðri öðrum“

» Fleiri tengdar fréttir

• Blogga um frétt