Narsissískar konur nota helst lyndistákn
Setja bókamerki
Í nýrri rannsókn voru skoðuð tengsl á milli notkunar lyndistákna (e. emojis) og persónuleika einstaklinga og leiddu niðurstöður í ljós að narsissistar nota lyndistáknin grimmt í samskiptum.
Það er afar vinsælt og vinalegt að nota svokölluð lyndistákn á samfélagsmiðlum, hins vegar er stór munur á hve mikið notendur spreða af táknum í samskiptum sínum við aðra. Sumir nota einstaka broskarla á meðan aðrir enda nánast hverja setningu á fjölda tákna.
Samkvæmt niðurstöðum rannsóknarinnar nota konur lyndistákn meira en karlar fyrir utan hve mikill munur er á notkun táknanna eftir persónuleika fólks.
Narsissískar konur nota táknin mest
Vísindatímaritið Current Psychology birti nýverið niðurstöður úr rannsókninni sem sýna þennan mun á milli kynja og persónuleika þegar kemur að notkun táknanna.
Rannsóknarteymið var undir forystu Sheliu M. Kennison frá Oklahoma Sate-háskólanum og náði til 285 nemenda í grunnnámi við skólann.
Teymið mat mismunandi persónuleika þátttakenda en flokkunin var eftirfarandi; hinir fimm stóru (hreinskilni, inn- og úthverfa, vingjarnleiki, samviskusemi og kvíði), myrka þrískiptingin (narsissismi, sjúkleg stjórnsemi og siðblinda) og tilfinningaleitandi einstaklingar.
Ein áhugaverðasta niðurstaða rannsóknarinnar er varðandi myrku þrískiptinguna en hún sýnir að mikil notkun lyndistákna er tengd narsissískum persónuleika bæði kvenna og karla og þá eru narsissískar konur þær sem nota mest þessi tákn í samskiptum.
Hvað karlmennina varðar eru þeir sem eru sjúklega stjórnsamir líklegri til að nota meira af lyndistáknum en einnig þeir sem eru mjög kvíðnir.
Mest sláandi niðurstaðan voru tengslin á milli notkunar lyndistákna og narsissisma, sérstaklega hjá konum. Vísindamennirnir velta fyrir sér mögulegri skýringu á þessum tengslum og segja notkun táknanna geta verið hluti af samskiptamiðaðri stefnu narsissistans sem hverfist um sjálfskynningu og áhrifastjórnun, eitthvað sem er týpískt fyrir narsissista.
Svalara loft í augsýn
Boðar tafarlausar vopnahlésviðræður
Þórsmörk og Goðaland yrðu allt annað svæði
Lausar lóðir í þjóðlendunum
Sumarstarfsmaður á Þingvöllum
Harðar deilur um notkun gervigreindar
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
endurskoðandi svarar spurningum lesenda
Klínískur félagsráðgjafi hjá Lausninni
ráðgjafi hjá Fyrsta skrefinu og umsjónarmaður Meðvirknipodcastsins
svarar spurningum um lögfræðileg mál
lýtalæknir svarar spurningum lesenda
fasteignasali svarar spurningum lesenda