Helga Vala Helgadóttir, lögmaður á Lögfræðistofu Reykjavíkur, svarar spurningum lesenda Smartlands. Hér fær hún spurningu frá Guðmundi sem veltir fyrir sér hver erfir makalausan og barnlausan mann. 

Góðan dag.

Látinn maður á engan maka og engin börn og foreldrar hans eru látnir. Hann á systkini og hálfsystkini. Hafa hálfsystkini sama erfðarétt og systkini?

Kveðja, 

Guðmundur. 

Góðan dag Guðmundur. 

Hér er spurt um erfðarétt eftir mann sem ekki á maka eða börn og báðir foreldrar eru látnir. Í slíkum tilvikum, þegar báðir foreldrar eru látnir, þá taka börn, eða aðrir niðjar hvors foreldris fyrir sig, þann arf sem foreldrinu hefði borið. Þar sem spurt var um hálfsystkini, þá fer arfshluti eftir því, þannig að alsystkin erfir það sem hvort foreldri fyrir sig hefði fengið, en hálfsystkin það sem annað foreldrið hefði fengið. Því kemur stærri arfshluti til alsystkina en hálfsystkina.

Vonandi svarar þetta spurningu þinni.

kveðja,

Helga Vala Helgadóttir, lögmaður.

Liggur þér eitthvað á hjarta? Þú getur sent Helgu Völu eða öðrum lögmönnum á Lögfræðistofu Reykjavíkur spurningu HÉR. 

Tengdar fréttir

Spurðu lögmanninn

Er hægt að koma í veg fyrir að arfur rýrni?

• Geta ellimenni ættleitt stúlkur á fimmtugsaldri?
• Getur faðir farið fram á að dóttur verði skammtaðir peningar eftir hans dag?
• Erfir dóttir móður sína ef hálfsystkin og maki eru í spilinu?
• Erfir eiginkonan allt?

» Fleiri tengdar fréttir

Erfðamál

Getur faðir farið fram á að dóttur verði skammtaðir peningar eftir hans dag?

• Erfir dóttir móður sína ef hálfsystkin og maki eru í spilinu?
• Erfir eiginkonan allt?
• Er hægt að gera upp dánarbú án samþykkis allra erfingja?
• Erfa stjúpbörn peninga við andlát blóðforeldris?

» Fleiri tengdar fréttir

• Blogga um frétt