Hélt hann framhjá Demi Moore?

23 ára gömul kona hefur ásakað Ashton Kutcher um að hafa haldið framhjá eiginkonu sinni, Demi Moore, aðfaranótt laugardagsins. Framhjáhaldið á að hafa farið fram á skemmtistað í San Diego. Daginn eftir meint framhjáhald héldu Kutcher og Moore upp á sex ára brúðkaupsafmæli sitt í borginni.

Kutcher og Moore hafa ekki svarað blaðamönnum vefmiðilsins þrátt fyrir ítrekaðar tilraunir til að ná tali af þeim.

Heimildarmaður sagði í samtali við RadarOnline að parið hefði ekki virst neitt sérlega hamingjusamt þegar þau héldu upp á brúðkaupsafmælið. RadarOnline er ekki eini fjölmiðillinn sem er að velta þessu máli fyrir sér því tímaritið Star verður víst með umfjöllun um hjónin í næsta tölublaði. Blaðið segist hafa heimildir fyrir því að hjónaband Kutcher og Moore sé komið á endastöð.

Demi Moore. mbl.is

• 1 blogg um fréttina

Bloggað um fréttina

• Axel Jóhann Hallgrímsson: Fáum þetta á hreint