Sara Lind Pálsdóttir, eða Sara í Júník eins og hún er oftast kölluð, átti svo sannarlega eftirminnilegan Valentínusardag í gær. Kærasti hennar til þriggja ára og barnsfaðir, Kristján Þórðarson, fór á skeljarnar á Malibu ströndinni í Kaliforníu.
„Við fórum á Malibu ströndina hérna í LA sem er uppáhaldsstaðurinn okkar. Þar bað hann mín og bauð mér svo út að borða á Katsuya sem er einn flottasti veitingastaðurinn hérna í LA. Þetta var alveg fullkominn dagur,“ segir Sara Lind þegar hún er spurð út í bónorðið.
Kristján færði henni hvítagullshring með demanti en hann er hannaður af Inga í Sign. Þegar ég spyr Söru Lind hvort hún hafi búist við bónorði á þessum fallega degi segir hún svo ekki vera.
„Ég bjóst ekki við þessu en ég var oft búin að skjóta á hann orðunum „hvenar kemur hringurinn“,“ segir hún í samtali við Smartland Mörtu Maríu.