Raunveruleikastjarnan Kim Kardashian var leidd fyrir franskan dómara í New York á dögunum þar sem hún gaf skýrslu um ránið á skartgripum hennar. Þann 3. október réðust fimm vopnaðir og grímuklæddir menn inn í hótelíbúð stjörnunnar í París, bundu hana og lokuðu inn á baðherbergi, á meðan þeir létu greipar sópa í íbúðinni.

Ránsfengurinn er metinn á níu milljónir evra eða um 1.1 milljarð króna. Meðal þess sem ræningjarnir höfðu á brott var rándýr, sérsmíðaður trúlofunarhringur frá rapparanum Kanye West eiginmanni Kardashian.

Í rykfrakka í yfirstærð 

Kardashian hefur nú þegar gefið skýrslu vegna málsins hjá lögregluyfirvöldum í Frakklandi. Lögreglan hefur handtekið tíu manns grunaða um aðild að ráninu, þar á meðal höfuðpaura þess. Fyrr í mánuðinum kvaðst franska dagblaðið, Journal du Dimanche, hafa einkaaðgang að handskrifaðri skýrslu sem var byggð á skýrslunni sem tekin var af Kardashian. Þar sagði hún að ræningjarnir hafi virst óreyndir.

Frétt mbl.is – Glæpamenn af gamla skólanum

Kardashian hefur vakið athygli fyrir djarfan og töff klæðaburð sinn en hún klæddist svörtum rykfrakka í yfirstærð og hvítum hnéháum stígvélum á leið í dóminn. 

Tengdar fréttir

Kardashian

Swift hjólar í Kardashian á nýju plötunni

• Kardashian keypti bíl sem var kynntur á hálendi Íslands
• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“

» Fleiri tengdar fréttir

• Blogga um frétt