Guðni Th. bauð grínara í mat

Guðni Th. Jóhannesson forseti Íslands bauð Ricky Gervais leikara og skemmtikrafti í hádegismat á Bessastaði. Þau ræddu ýmislegt skemmtilegt í þessu boði eins og fyndni og skemmtilegheit. Hann er staddur hér á landi vegna uppistands í Hörpu sem fram fór í gærkvöldi og líka í kvöld. Forsetahjónin mættu á uppistand gærkvöldsins og skemmtu sér konunglega. 

„Forsetahjón bjóða Ricky Gervais, leikara og skemmtikrafti, og sambýliskonu hans, rithöfundinum Jane Fallon, til hádegisverðar á Bessastöðum. Undir borðum var rætt um mátt skops og fyndni í samfélaginu, hugsanleg mörk hins leyfilega eða þolanlega í því sambandi og muninn á góðlátlegu gamni og stríðni eða einelti. Meðal annarra gesta voru einnig uppistandararnir Ari Eldjárn og Saga Garðarsdóttir,“ segir á vef forseta Íslands. 

• Blogga um frétt