Kolfinna Von og Björn Ingi fluttu kveðju frá Lars Lagerback

Kolfinna Von Arnardóttir mætti í glæsilegum kjól í brúðkaupið. Kjóllinn …
Kolfinna Von Arnardóttir mætti í glæsilegum kjól í brúðkaupið. Kjóllinn er frá Anitu Hirlekar. mbl.is/Kristinn Magnúsosn

Kolfinna Von Arnardóttir og eiginmaður hennar, Björn Ingi Hrafnsson fjölmiðlamaður, fluttu myndbandskveðju frá þjóðhetjunni Lars Lagerback í brúðkaupsveislu Arons Einars Gunnarssonar landsliðsfyrirliða og Kristbjargar Jónasdóttur fitnessdrottningu á Þjóðhátíðardaginn.

Lars, sem var auðvitað lengi landsliðsþjálfari Íslands og líklega vinsælasti maðurinn á Íslandi, flutti brúðhjónunum fallega kveðju á myndbandi sem Björn Ingi sýndi í brúðkaupsveislunni.

Kolfinna Von var veislustjóri í brúðkaupinu ásamt Rúrík Gíslasyni landsliðsmanni. Hún er aðaleigandi og framkvæmdastjóri tískuhátíðarinnar Reykjavik Fashion Festival.

Hún var klædd í íslenska hönnun í tilefni dagsins; kjóllinn hennar er úr smiðju Anitu Hirlekar og var sýndur á sumarlínunni á tískuvikunni í London í fyrra. Kjóllinn er einstakur og skiptist í bol og pils og samanstendur af þykkum silkiþráðum. Anita Hirlekar er upprennandi hönnuður sem hefur vakið athygli að undanförnu á alþjóðavísu, en hún er útskrifuð úr einum virtasta skóla heims í fatahönnun, Cantral Saint Martins í Lundúnum.

Björn Ingi Hrafnsson.
Björn Ingi Hrafnsson. mbl.is/Kristinn Magnússon
mbl.is
Fleira áhugavert
Fleira áhugavert

Spurt og svarað

húðlæknir á Húðlæknastöðinni svarar spurningum lesenda

sálfræðingur á Sálfræðistofunni Sálarlíf svarar spurningum lesenda

einstaklings- og fjölskylduráðgjafi svarar spurningum lesenda

Klínískur félagsráðgjafi hjá Lausninni

hjúkrunar- og kynfræðingur svarar spurningum lesenda

svarar spurningum um lögfræðileg mál