Hanna Kristín Skaftadóttir, frumkvöðull og athafnakona, og Sindri Aron Viktorsson læknir geisluðu saman á Þyrnirós í Hörpu á föstudaginn. Þau eru nýtt par og eins og sést á myndinni eru þau glæsileg saman.
Þau mættu á frumsýningu hjá St. Petersburgh Festival-ballettinum sem dansaði Þyrnirós í þetta skipti. Þetta er í fimmta sinn sem ballettinn kemur hingað til lands en hann hefur tvisvar dansað Svanavatnið og tvisvar Hnotubrjótinn. Nú var röðin komin að Þyrnirós og heppnaðist frumsýningin vel.
Smartland óskar þeim hjartanlega til hamingju með ástina enda er fátt betra en að fá hjartað til að slá örar þegar ástin er annars vegar.