Rithöfundurinn Hallgrímur Helgason og bókaútgefandinn Þorgerður Agla Magnúsdóttir eignuðust dóttur á mánudaginn. Hallgrímur segir að jólin hafi komið snemma í ár.
„Jólin komu snemma í ár, eða nákvæmlega fimm mínútur yfir miðnætti mánudaginn 18. desember. Þá mætti ungfrú fimmtán merkur til leiks og skapaði þegar heilar þúsund merkur af hamingju. Svona líka fullkomin, fögur, spræk og hárprúð (!) Móður og barni heilsast vel og gamli biður að heilsa, hann sást síðast í skýjunum,“ segir Hallgrímur á facebook-síðu sinni.
Smartland óskar þeim hjartanlega til hamingju með stúlkuna.