Róbert býr á Vatnsstíg með kærustu sinni

Róbert Wessman, forstjóri Actavis, býr á Vatnsstíg 20-22 ásamt kærustu sinni, Ksenia Vladimirovna Shakhmanova og börnum hennar, Viktoríu og Alexander. Íbúðin er 314 fm að stærð og er á efstu hæð hússins.

Íbúðin sem Róbert og Shakmanova búa í er skráð á HRJÁF ehf.  Félagið keypti íbúðina af Fiskitanga ehf, sem er eigu Guðmundar Kristjánssonar í Brimi, í ágúst 2017. Fasteignamat íbúðarinnar er 195 milljónir en fer í 226 milljónir á næsta ári. Úr íbúðinni er útsýni yfir Esjuna og hálfa Reykjavík. 

Mikil leynd hefur hvílt yfir sambandi Róberts og Shakhmanova en hann skildi við eiginkonu sína fyrir um ári. Shakhmanova hóf MBA-nám í haust við Háskólann í Reykjavík. 

Smartland greindi frá því í gær að Róbert og kærasta hans væru í jólafríi á Barbados en hann birti mynd af þeim á Instagram þar sem þau skáluðu fyrir lífinu og ástinni. 

Frétt af mbl.is

Róbert Wessman með ástinni í jólafríi

Húsið við Vatnsstíg 20-22 var byggt 2010.

• Blogga um frétt