Á Seltjarnarnesi stendur glæsilegt einbýli sem er huggulega innréttað. Grængráar flísar setja svip á eldhús og baðherbergi og skapa hlýleika og mýkt.
Í húsinu eru eikarinnréttingar og eikarhurðir og í eldhúsinu eru svartar borðplötur. Með þessa litapallettu koma grágrænu flísarnar eins og ferskur andblær inn á heimilið. Það sem er líka heillandi við þessar flísar er að þær eru notaðar á eldhúsvegginn og bæði baðherbergin. Sami litur er notaður á einn vegg á neðri hæðinni.
Þessi mjúka litapalletta er þó ekki bara í eldhúsi og á baðherbergjum heldur eru húsgögnin í mjúkum litum. Brúnir leðursófar, marokkósk motta í stofunni og hlýleg gluggatjöld skapa heillandi andrúmsloft.