Emilíana Torrini, Ragnhildur Gísladóttir, Sigríður Thorlacius og Lay Low eru viðmælendur í nýjum sjónvarpsþætti í Sjónvarpi Símans Premium, Trúnó. Þær eiga það sameiginlegt að hafa farið í gegnum erfiða lífsreynslu sem þær deila með okkur og hvernig það hefur mótað listsköpun sína í tónlist.
Nánir samstarfsmenn og vinir koma fram í þáttunum og varpa ljósi á hliðar í þeirra fari sem ekki hafa verið dregnar fram áður. Hugmynd og handrit af þáttunum á Anna Hildur Hildibrandsdóttir. Leikstjóri og tökukona er Margrét Seema Takyar.
Allir þættirnir verða aðgengilegir í Sjónvarpi Símans Premium sunnudaginn 25. febrúar en þættirnir eru framleiddir af Tattarrattat.