Vilhjálmur og Lína fóru til Barcelona

Vilhjálmur H. Vilhjálmsson lögmaður og Lína Birgitta Sigurðardóttir bloggari og áhrifavaldur nutu lífsins saman í Barcelona um nýliðna helgi. 

Bæði hafa Vilhjálmur og Lína Birgitta gaman að ferðalögum um heiminn. Hann hefur síðustu ár dvalið mikið á Ítalíu þar sem hann nýtur lífsins á milli þess sem hann stígur öldur lögmennskunnar. Hún er líka mikið á ferð og flugi um heiminn þar sem hún drekkur í sig nýjustu tískustrauma og menningu ólíkra landa. 

Vilhjálmur og Lína Birgitta hafa ekki bara gaman af ferðalögum heldur hafa þau brennandi áhuga á tísku. Áður en Vilhjálmur fór í lögfræði gekk hann undir nafninu Villi í 17, en hann starfaði í versluninni á unglingsaldri og þótti lunkinn sölumaður. 

Frétt af mbl.is

Með 3,5 milljóna úr á forsíðunni

Frétt af mbl.is

„Það má alltaf bæta í safnið“

Þeir sem fylgjast með Vilhjálmi vita að hann er enn þá með puttana á púlsinum þegar kemur að tísku en svo hefur hann líka raðað sér á lista yfir heitustu piparsveina Íslands en hann sagði skilið við fyrri konuna sína 2015. 

Frétt af mbl.is

Eftirsóknarverðustu piparsveinarnir

• Blogga um frétt