Leikkonan Saga Garðarsdóttir og Snorri Helgason tónlistarmaður gengu í hjónaband á Suðureyri um helgina. Ilmur Kristjánsdóttir leikkona gaf þau saman og var veislan hin glæsilegasta. Búið var að sérmerkja bifreið með lógói brúðkaupsins, algjör gifting, og voru brúðhjónin algerlega upp á sitt besta og geisluðu af gleði.
Parið hefur verið áberandi síðan þau hnutu um hvort annað árið 2014 en í febrúar eignuðust þau dóttur. Smartland óskar þeim hjartanlega til hamingju með ráðahaginn.