Hlaðvarpsþættir um Beðmál í borginni

Nýlega komu út þrír hlaðvarpsþættir sem fjalla um þættina ódauðlegu Beðmál í borginni eða Sex and The City eins og þeir heita á ensku. Þættirnir eru gerðir af blaðamanninum James Andrew Miller sem heldur út hlaðvarpsrásinni Origins.

Miller hefur tekið ýmislegt fyrir á hlaðvarprás sinni. Í fimmta „kafla“ Origins fjallaði Miller um Sex and The City. Í þáttunum þremur, sem eru klukkustundar til tveggja klukkustunda langir ræðir Miller við aðalleikkonur þáttanna, Söruh Jessicu Parker, Cynthiu Nixon og Kristinu Davis. Kim Catrall vildi ekki veita viðtal fyrir þættina.

Miller ræðir einnig við framleiðanda þáttanna Micheal Patric King, Willie Garson sem fer með hlutverk Stanford Blatch í þáttunum og Chris Noth sem fór með hlutverk Mr. Big.

Þriðji og síðasti þátturinn þykir hvað áhugaverðastur en í honum ræðir Miller um gerð þriðju myndarinnar og af hverju hún var ekki gerð.

Frétt af mbl.is

Átti að deyja í Sex and the City 3

Þeir sem hafa áhuga á öllu sem tengist Sex and The City ættu ekki að láta þessa þætti fram hjá sér fara. Finna má Origins á öllum helstu hlaðvarpsveitum. 

Chris Noth sem fór með hlutverk Mr. Big í þáttunum veitti viðtal fyrir hlaðvarpsþættina. Stephen Lovekin

• Blogga um frétt