Brynjar er ekki með kynlífsfíkn

Brynjar Níelsson lögmaður og alþingismaður sagði frá því rétt í þessu á Facebook-síðu sinni að hann væri hugsi yfir öllum fíknisjúkdómunum sem herja á fólk núna. 

Þeir sem þekkja Brynjar vita að hann er mikill húmoristi. Hann ákvað því að spyrja eiginkonu sína hvort hann væri með einhverja aðra fíkn en leiðindin, til dæmis kynlífsfíkn. 

Eiginkona hans, dómarinn Arnfríður Einarsdóttir, sagði að hann þyrfti ekki að hafa áhyggjur. Ef hann væri með kynlífsfíkn þá væri hann augljóslega á mjög góðum lyfjum. 

• Blogga um frétt