Leikarinn Gerard Butler var staddur í Iðnó í gærkvöldi þar sem einkasamkvæmi fór fram. Forstjóri Símans, Orri Hauksson, steig á stokk og söng Allir eru að fá sér, sem Erpur Eyvindarson gerði vinsælt. Erpur Eyvindarson skemmti gestunum ásamt Selmu Björnsdóttur og Ragga Bjarna svo einhverjir séu nefndir.
Aðalheiður Magnúsdóttir fjárfestir og Selma Ágústsdóttir innanhússarkitekt skipulögðu teitið ásamt fleirum. Í boðinu voru Jakob Frímann Magnússon og eiginkona hans, Birna Rún Gísladóttir, parið Magnús Scheving og Hrefna Björk Sverrisdóttir, Sólveig Þórarinsdóttir jógakennari, Sóley Kristjánsdóttir og Freyr Frostason, dj Dóra Júlía, Áslaug Magnúsdóttir tískumógúll, Gulla Jónsdóttir arkitekt í Los Angeles, Sirrý Hallgrímsdóttir, Gísli Örn Garðarsson og Harpa Einarsdóttir. Þar voru líka Lárus Páll Ólafsson og Jóní í Gjörningaklúbbnum svo einhverjir séu nefndir.