Eftir frumsýningu kvikmyndarinnar Vice um Dick Cheney, varaforseta Bandaríkjanna, eru margir á því að þörf sé á byltingu víðsvegar um heiminn þegar stjórnmál eru annars vegar. Fólk veltir fyrir sér hvort andlegi leiðtoginn og rithöfundurinn Marianne Williamson sé svarið.
Í nýlegu myndbandi, sem tekið var á formlegri kynningu hennar þar sem hún býður sig fram sem efni demókrata fyrir næstu forsetakosningar í Bandaríkjunum, segir hún meðal annars:
„Við mælum ekki hamingju með efnahagslegum mælikvörðum. Við þurfum að horfast í augu við opíóðafaraldurinn, við þurfum að horfast í augu við sjálfsmorðstíðnina í landinu. Við þurfum að skoða hvað liggur undir yfirborðinu. Efla vitund, ást og kærleika bandarísku þjóðarinnar.
Við þurfum ekki einstakling í Washington sem veit hvernig Hvíta húsið virkar, við þurfum einstakling sem skilur hvernig fólk virkar. Þess vegna býð ég mig fram.“
Marianne Williamson er með mest fylgi allra frambjóðenda á samfélagsmiðlum. Hún er andlegur ráðgjafi fólks á borð við Oprah Winfrey og hefur skrifað fjölmargar bækur í gegnum ævina um skoðanir sínar og þá hugsun sem hún hefur tileinkað sér m.a. úr Course in Miracles, sem er hugmyndakerfi komið frá tveimur sálfræðingum við Stanford-háskóla.
Hún þykir kærleiksríkur frambjóðandi sem stendur í fæturna gagnvart réttindum minnihlutahópa. Hún hefur starfað m.a. með alnæmissjúklingum um skeið og hjálpað þúsundum víðs vegar um heiminn í átt að andlegu heilbrigði með hugmyndastefnu sinni, vikulegum fyrirlestrum sem hún streymir úr kirkju og fleira.
Hér má sjá meira um þessa áhugaverðu konu.