Dagný Dögg Bæringsdóttir og Ívar Guðmundsson gengu í heilagt hjónaband á laugardaginn. Athöfnin sjálf fór fram í Fríkirkjunni en það var Pálmi Matthíasson sem gaf brúðhjónin saman. Á eftir var slegið upp veislu í Hörpu.
Athöfnin var sérlega falleg en þekktir listamenn sungu fyrir brúðhjónin eins og Bubbi Morthens, Stefán Hilmarsson, Stefanía Svavarsdóttir og Friðrik Ómar.
Ívar og Dagný eru búin að vera kærustupar í fimm ár og því ekki úr vegi að innsigla sambandið með hjónabandi. Hún klæddist glæsilegum brúðarkjól með miklum slóða og hann var í millibláum jakkafötum.
Eftir veisluna fóru hjónin í Grímsborgir og nutu lífsins þar. Hægt er að sjá fleiri myndir úr brúðkaupinu undir #divar19