Stjörnurnar í Hollywood eru ekki bara þekktar fyrir að eignast tvíbura þar sem margar af þeim eru tvíburar. Oftast eru ekki báðir tvíburarnir frægir eins og í tilviki Mary-Kate og Ashley Olsen. Ein frægasta fyrirsæta heims, Gisele Bündchen, fagnaði til að mynda 39 ára afmæli á dögunum rétt eins og óþekkt tvíburasystir hennar sem heitir Rafaela.
Rami Malek úr Bohemian Rhapsody á tvíburabróðirinn Sami sem er kennari í Los Angeles.
Leikarinn Ashton Kutcher á tvíburabróðir að nafni Michael.
Orange is the New Black-stjarnan Laverne Cox á tvíburabróður sem er tónlistarmaður og kallar sig M Lamar.
Kiefer Sutherland er tvíburi en systir hans Rachel Sutherland vinnur á bak við tjöldin í kvikmyndageiranum.
Leikarinn Vin Diesel á tvíburabróðir sem heitir Paul Vinvcent og lítur ekkert út eins og hasarmyndahetjan.
Leikkonan Scarlett Johansson á tvíburabróðir að nafni Hunter Johansson. Hunter hefur látið sjá sig á rauða dreglinum með systur sinni. Hann vinnur að góðgerðarverkefnum auk þess sem hann vann við framboð Barack Obama árið 2008.
Bond-stúlkan fyrrverandi Eva Green á tvíburasystir að nafni Joy. Tvíburasystirin hefur meiri áhuga á hestum en leiklist.