Olíuerfinginn Nats Getty gekk í heilagt hjónaband með unnustu sinni Gigi Gorgeous nýverið. Getty-fjölskyldan ratar reglulega á síður fjölmiðla en það sem vakið hefur athygli við brúðkaupið eru viðbrögð Getty þegar hún sér tilvonandi eiginkonu sína ganga að altarinu.
„Ég hef aldrei séð fallegri brúður. Ég missti andann,“ skrifar Getty á samfélagsmiðla. Þetta kemur fram á vefsvæði The New York Times.
Getty og Gorgeous hafa verið par í yfir tvö ár og hafa nú innsiglað ástina í sumarbrúðkaupi eins og svo margir aðrir. Gorgeous hefur verið vinsæl á YouTube um langt skeið þar sem hún er talskona meðal annars transfólks víða um heiminn. Hún þykir einlæg og skemmtileg.
Þeir sem venja sig á að horfa á einstaklinginn sem stendur við altarið urðu ekki fyrir vonbrigðum með viðbrögð Nats Getty í athöfninni. Einlægar tilfinningar og opið hjarta er alltaf fallegt þegar kemur að brúðkaupum.