Ellý Ármannsdóttir og Hlynur Jakobsson ætla að ganga í heilagt hjónaband 13. júní 2020. Parið hnaut um hvort annað fyrir um tveimur árum en parið trúlofaði sig fyrr á þessu ári.
„Já það er rétt. Ég sagði já!“ segir spákonan, listmálarinn og fyrrverandi sjónvarpsþulan Ellý, í samtali við Fréttablaðið. „Hann Hlynur er allt sem ég óska mér,“ bætir hún við um draumaprinsinn sem stundum er kenndur við veitingastaðinn Hornið sem faðir hans opnaði í miðbæ Reykjavíkur fyrir rúmum fjörutíu árum.
Parið ætlar að bjóða gestum í kaffiboð og óska þess nú heitt að sólin skíni þarna 13. júní 2020 því veislan verður utandyra.
Smartland óskar Ellý og Hlyn hjartanlega til hamingju með væntanlegt brúðkaup.