Jón Ólafsson og Birkir Kristinsson í einkaþotu

Jón Ólafsson vatnskóngur og Birkir Kristinsson fyrrverandi fótboltastjarna og bankamaður ferðuðust til Bordeaux í Frakklandi með einkaþotu í gær. Í morgun lögðu þeir af stað aftur til Reykjavíkur og birtu mynd á Facebook áður en vélin fór í loftið á leið til Reykjavíkur. 

Frétt af mbl.is

Fékk áfall þegar Birkir var dæmdur í fangelsi

Þeir voru þó ekki bara tveir á ferð heldur var Kristján Ólafsson, sonur Jóns Ólafssonar með í för, ásamt Guðleifi Kristjánssyni og þremur öðrum karlmönnum. 

Ekki er vitað hvað félagarnir voru að gera í Frakklandi í sólarhring en þeir mega augljóslega engan tíma missa fyrst einkaþota varð fyrir valinu. Enda tekur mun skemmri tíma að ferðast um með þessum hætti en í áætlunarflugi. 

Jón Ólafsson rekur fyrirtækið Icelandic Glacial Water sem hefur getið sér gott orð fyrir vatnsútflutning en Birkir hefur sinnt ráðgjöf upp á síðkastið eða síðan hann lauk afplánun. Hvort einhverra stórtíðinda sé að vænta úr viðskiptalífinu er ekki vitað, en eitt er víst að Jón Ólafsson og Birkir Kristinsson hafa hingað til látið verkin tala. 

Þessi mynd var tekin í gær þegar félagarnir lögðu af stað til Frakklands. Skjáskot af Facebook

• Blogga um frétt