Knattspyrnumaðurinn Kolbeinn Sigþórsson er búinn að finna ástina ef marka má Instagram. Sú heppna er Hildur Hilmarsdóttir.
Hildur birti mynd af sér og Kolbeini á bóndadaginn og sagðist vera þakklát fyrir bóndann sinn. Hún segir myndina vera síðan í september og því svolítið síðan þau Kolbeinn og Hildur felldu saman hugi.
Hildur er fyrrverandi flugfreyja og starfaði hjá WOW Air áður en félagið varð gjaldþrota.