Það skiptir máli að þjóðin standi saman í ástandinu sem ríkir í þjóðfélaginu vegna kórónuveirunnar. Ein stærsta bókaútgáfa landsins, Forlagið, hefur ákveðið að gefa hverjum landsmanni þrjár fríar hljóðbækur til að létta sér lífið í samkomubanninu. Egill Örn Jóhannsson forstjóri Forlagsins segir að fyrirtækið hafi ákveðið að stytta fólki stundir með þessum hætti enda veiti ekki af. 

„Okkur langaði til þess að reyna að gera eitthvað í þessu ófremdarástandi sem nú ríkir í þjóðfélaginu. Að hlusta á hljóðbók í rokinu og rigningunni er stórkostleg afþreying og nú er bara um að gera að sækja sér Forlags-appið og hlusta frítt,“ segir Egill í samtali við Smartland. 

Skjáskot eftir Berg Ebba er ein af þeim bókum sem Forlagið ætlar að gefa þjóðinni.

Bækurnar sem eru í boði eru Skjáskot eftir Berg Ebba, Hnífur eftir Jo Nesbø og Fjallaverksmiðja Íslands eftir Kristínu Helgu Gunnarsdóttur.

„Við höfum stóraukið útgáfu hljóðbóka á undanförnum misserum og úrvalið orðið umtalsvert, og nú er heldur betur rétti tíminn til þess að prófa — og það ókeypis,“ segir Egill. 

Hnífur eftir Jo Nesbø.

Fjallaverksmiðja Íslands eftir Kristínu Helgu Gunnarsdóttur.

Þegar hann er spurður út í sínar uppáhaldshljóðbækur stendur ekki á svörunum. 

„Sextíu kíló af sólskini í lestri höfundar, Hallgríms Helgasonar, er algerlega meiriháttar. Ég las bókina þegar hún kom út og hreifst af, en hún er enn betri í lestri Hallgríms. Brúin yfir Tangagötuna í lestri höfundar, Eiríks Arnar Norðdahl, var að koma út. Þegar ég les bækur Eiríks þá „heyri“ ég hann alltaf lesa fyrir mig textann, enda er hann frábær lesari og höfundur. Við erum ekki morðingjar eftir Dag Hjartarson kom út í fyrra og er bók sem rígheldur manni frá fyrstu mínútu (eða blaðsíðu). Þórdís Björk Þorfinnsdóttir les,“ segir Egill. 

Tengdar fréttir

Stöndum saman

Þetta gerir Þórólfur þegar útlitið er svart: „Búin að vera þung vika“

• Nettó veitir 44 milljónir króna til góðgerðarmála
• Partíréttirnir sem Siggi Gunnars mælir með fyrir kvöldið!
• „Kirkjan er opin og kemur til þín“
• 400 krakka hópdans í morgunsólinni

» Fleiri tengdar fréttir

• Blogga um frétt