Heitustu skvísurnar á Tinder

Stefnumótaforrit hafa sjaldan verið vinsælli en akkúrat núna enda erfiðara að kynnast nýjum aðilum á barnum þar sem samkomubann hefur ríkt. 

Á dögunum tók Smartland saman lista yfir áhugaverðustu piparsveinana á Tinder og til þess gæta jafnræðis þá er hér að finna eftirsóknarverðustu einhleypu konur landsins. 

Frétt af mbl.is

Heitustu piparsveinarnir á Tinder í dag

Á listanum kennir ýmissa grasa. Þar er til dæmis Guðrún Sóley Gestsdóttir fjölmiðlakona sem starfar hjá RÚV. Hún er einn þekktasti grænkeri landsins enda gefið út matreiðslubók um jurtafæði. Hún er ekki bara góður kokkur heldur skemmtileg og klár. 

Guðrún Sóley Gestsdóttir. skjáskot/Tinder

Kristín Hrefna Halldórsdóttir er 35 ára og er framkvæmdastjóri Flow ehf. Flow framleiðir hugleiðsluhugbúnað fyrir sýndarveruleika og snjallsíma. Hún þykir afar góður kostur. 

Kristín Hrefna Halldórsdóttir. skjáskot/Tinder

Birna Baldursdóttir er 40 ára gömul og hefur getið sér gott orð sem íshokkíspilari og hefur tekið þátt í heimsmeistarakeppni kvenna á því sviði. 

Birna Baldursdóttir. skjáskot/Tinder

Nadía Líndal er 19 ára fyrirsæta en hún keppti í keppninni Miss Universe. Á dögunum gaf hún út lagið Smile As The Door Slams og því er aldrei að vita nema hún eigi eftir að slá hraustlega í gegn á tónlistarsviðinu. 

Nadía Líndal. skjáskot/Tinder

Ingibjörg Egilsdóttir er fyrirsæta og áhrifavaldur. Hún er 34 ára en hún varð í öðru sæti í Ungfrú Ísland 2008 eða sama ár og eiginkona Gylfa Þór Sigurðssonar, Alexandra Helga Ívarsdóttir bar sigur úr býtum. Ingibjörg er mjög góður kokkur eins og sjá má á Instagram-reikningi hennar. 

Ingibjörg Egilsdóttir. skjáskot/Tinder

Kristín Tinna Aradóttir er 31 árs úr Grafarvogi en býr nú í Hafnarfirði. Hún gerði garðinn frægan sem Tækni Tinna á K100 sem lumar á endalausum góðum ráðum þegar kemur að lífinu. 

Kristín Tinna Aradóttir. skjáskot/Tinder

• Blogga um frétt