Á ári hverju tekur Smartland saman lista yfir það einhleypa fólk sem er eftirsóttast hverju sinni. Listinn breytist að sjálfsögðu mikið ár frá ári og gengur slatti út ár hvert. Hér má finna fólk af lista síðasta árs sem er gengið út.
Árni Hauksson fjárfestir komst á lista í Smartlands eftir að hann skildi að borði og sæng við Ingu Lind Karlsdóttur. Þau tóku hins vegar aftur saman á síðasta ári og því mun Árni ekki komast á listann í ár.
Crossfitstjarnan Björgvin Karl Guðmundsson var meðal eftirsóttustu piparsveinanna á síðasta ári. Hann fann ástina á síðasta ári og er kominn í samband með Bettý Ásmundsdóttur.
Brimbrettakappinn Heiðar Logi Elíasson fann ástina í örmum dansarans Ástrósar Traustadóttur í lok síðasta árs.
Útvarpskonan og plötusnúðurinn Dóra Júlía fann ástina í örmum Báru Guðmundsdóttur fyrr á þessu ári.
Áhrifavaldurinn Sunneva Einarsdóttir var ein skærasta stjarnan á lista Smartlands í fyrra. Hún var þó ekki lengi að finna ástina en hún byrjaði í sambandi með Benedikt Bjarnasyni, syni Bjarna Benediktssonar fjármálaráðherra.
Berglind Festival fann ástina nú á vormánuðum 2020 í örmum trommarans Valgeirs Skorra Vernharðssonar.