Inga Lind Karlsdóttir stofnandi Skot er gestur Snæbjörns Ragnarssonar í hlaðvarpinu Snæbjörn talar við fólk. Í þættinum ræðir Inga Lind líf og störf og líka frægðina sem hún myndi gjarnan vilja sleppa við í dag. Hún segir í þættinum að það sé frekar glatað að sjónvarpsstöðvar landsins séu endalaust að sýna gamalt efni og hún sé mikið stoppuð úti á götu af litlum krökkum sem spyrja hana hvort hún sé ekki örugglega í Biggest Loser. Þegar Snæbjörn spyr hvort hún sé hætt í sjónvarpi segist hún ekki vera með nein áform um verkefni fyrir framan myndavélina. 

„Það er eitthvað lítið af því. Ég veit ekki hvort ég sakna þess. Ég sakna þess ekkert. Það er eiginlega bara fínt. Maður byrjar strax í framhaldsskóla að vera fyrir allra augum í ræðukeppnum og svo í sjónvarpi. Ég er orðin rosa vön því að fólk kannast við andlitið á mér. Mér þætti æðislegt að losna við það núna,“ segir Inga Lind í viðtalinu við Snæbjörn og bætir við: 

„Það fylgir því ekki eintóm sæla að vera þekkt andlit.“

Hún segir jafnframt að hún fái mikla athygli út á eitthvað sem hún kæri sig ekki um og nefnir smellufréttir. 

„Mig langar bara að vera í friði,“ segir Inga Lind í viðtalinu. 

HÉR er hægt að hlusta á þáttinn í heild sinni á hlaðvarpsvef mbl.is. 

Snæbjörn Ragnarsson og Inga Lind Karlsdóttir.

Tengdar fréttir

Framakonur

Dró andann djúpt og féll í faðm foreldra sinna

• „Ég er mjög hvatvís og alltaf til í að stökkva“
• „Það var greinilega þörf á þessu því bókanir hrúgast inn“
• Margir draga úr félagslegri virkni vegna grindarbotnseinkenna
• „Ég er almennt séð á móti páskaskrauti“

» Fleiri tengdar fréttir

Snæbjörn talar við fólk

Snæbjörn hættir að tala við fólk

• Auðunn hélt hann væri eitthvað heftur
• Líður stundum eins og hún þurfi að ostaskera sjálfa sig
• Væri eins og flugdreki ef hann hefði ekki kvænst
• Langar í kærasta sem á baðkar

» Fleiri tengdar fréttir

• Blogga um frétt