Landsliðsmaðurinn Ragnar Sigurðsson hefur kvænst barnsmóður sinni, hinni rússnesku Elenu Bach. Ragnar skipulagði háleynilega brúðkaupsveislu fyrir konu sína þegar þau komu til landsins í október vegna landsleikja Íslands. Hjónin tóku upp eftirnafnið Bach áður en brúðkaupsveislan fór fram hinn 17. október. 

Hjónin höfðu talað lengi upp að gifta sig en ákváðu að fresta stórri veislu. Fyrst setti vinnuálag hjá Ragnari og nám hennar strik í reikninginn. Síðan kom dóttir þeirra sem fæddist fyrr á árinu og kórónuveiran til sögunnar. Þau ákváðu því að skrifa undir pappíra og bíða með stóra veislu. Það sem Elena vissi þó ekki fyrr en nokkrum dögum fyrir brúðkauið var að Ragnar var búinn að skipuleggja óvænta veislu. 

Elena greinir frá því á Instagram að vegna smits sem kom upp í herbúðum íslenska landsliðsins degi fyrir brúðkaupið hafi þurft að seinka brúðkaupinu. Á meðan fékk hún tíma til þess að undirbúa sig betur. 

Elena segist vera afar þakklát eiginmanni sínum sem gerði brúðkaupið þeirra ævintýralegt. „Ég elska þig,“ skrifar hún síðan á íslensku eftir langan pistil um brúðkaupið á rússnesku. 

Smartland óskar hjónunum til hamingju með ástina.  

Tengdar fréttir

Brúðkaup

Hvað er hægt að gefa „hressa parinu“ í brúðkaupsgjöf?

• Hannaði og smíðaði giftingarhringana og brúðarskartið sjálf
• Sigurjón og Simona gengu í það heilaga
• Páll Óskar og Edgar giftu sig í gærmorgun
• Atli og Anna Bergmann orðin hjón

» Fleiri tengdar fréttir

• Blogga um frétt