Vilhjálmur Bretaprins var bólusettur fyrir kórónuveirunni í vikunni. Myndin af honum fá sprautuna hefur vakið mikla athygli og hrannast inn athugasemdir um „stæltar byssur“ verðandi konungsins.
„Á þriðjudag fékk ég minn fyrsta skammt af Covid-19-bóluefni. Til allra þeirra sem koma að bólusetningum: takk fyrir allt sem þið hafið gert og haldið áfram að gera,“ skrifaði prinsinn á Instagram við mynd af sér með beran upphandlegg.
Aðdáendum hans virðist þó nokkuð sama um heilsu hans og bóluefni heldur einblína á beran upphandlegginn.
„Þessar byssur samt,“ skrifaði einn. „Það er ekki að furða að hertogaynjan af Cambridge sé alltaf svona glöð,“ skrifaði annar.