Frú Eliza Reid opnaði hátíðina

Alþjóðlega kvikmyndahátíðin Iceland Documentary Film Festival, IceDocs, var haldin á Akranesi dagana 23. til 27. júní. Frú Eliza Reid opnaði hátíðina. Fjölmargar framúrskarandi heimildamyndir voru sýndar í Bíóhöllinni, Akranesi, meðal annars myndirnar Gunda, Crock of Gold: A few rounds with Shane MacGowan og This Rain will Never Stop, en sú síðastnefnda hreppti aðalverðlaun hátíðarinnar. Auk sýninga á heimildamyndum var boðið upp á ýmsa viðburði, meðal annars tónleika með Gugusar, partí þar sem Sturla Atlas þeytti skífum, uppistand með Nick Jameson og tónleika með hljómsveitinni Flott. IceDocs-hátíðin fékk hvatningarverðlaun Eyrarrósarinnar í vor og auk þess styrk frá barnamenningarsjóði fyrir verkefni sem þau eru með á döfinni í haust.