Bolli Kristinsson og Inga María gengu í hjónaband

Bolli Kristinsson og Inga María Valdimarsdóttir.
Bolli Kristinsson og Inga María Valdimarsdóttir. mbl.is/Ómar Óskarsson

Athafnamaðurinn Bolli Kristinsson og leikkonan Inga María Valdimarsdóttir létu pússa sig saman í Bústaðakirkju 1. ágúst. Parið hnaut hvort um annað fyrir meira en áratug og hafa þau verið áberandi í samfélagi manna. Það var Pálmi Matthíasson prestur í Bústaðakirkju sem gaf parið saman. 

Bolli er oft kenndur við verslunina 17 eftir að hafa rekið verslunina með fyrrverandi sambýliskonu sinni, Svövu Johansen, um áratuga skeið. Þegar þau fóru hvort í sína áttina árið 2005 tók hún við rekstrinum og hann fór að sinna fjárfestingum. 

Hann hefur verið ötull talsmaður miðbæjarins og síðustu misseri bent ítrekað á hvað betur mætti fara þar. 

Smartland óskar Bolla og Ingu Maríu hjartanlega til hamingju með ástina og lífið!

Hér eru Inga María Valdimarsdóttir og Bolli Kristinsson upp við …
Hér eru Inga María Valdimarsdóttir og Bolli Kristinsson upp við altarið í Bústaðkirkju.
mbl.is

Bloggað um fréttina