Fjölmiðlamaðurinn Guðni Már Henningsson er látinn, 69 ára að aldri. Hann lést á heimili sínu á Tenerife á Spáni í gær.
Guðni fæddist hinn 9. júní árið 1952. Hann var einn ástsælasti útvarpsmaður landsins og stýrði lengi Næturvaktinni á Rás 2. Einnig stýrði hann Popplandi á sömu útvarpsstöð. Árið 2018 fluttist hann til borgarinnar Santa Cruz á Tenerife.
Hann var einnig skáld og listamaður og sinnti þeim hugðarefnum alla sína ævi.
Útsendarar K100 ræddu við Guðna á Tenerife í fyrra. Hér má hlusta á viðtalið.