Kórónuveiran kom ekki í veg fyrir að Íslendingar létu pússa sig saman á árinu 2021. Frægir Íslendingar innsigliðu samband sitt í ár. Fjölmiðlakonan Friðrika Hjördís gifti sig á Englandi en athafnamaðurinn Róbert Wessman kvæntist í Frakklandi. Sumir létu þó Ísland bara duga og var dagurinn ekkert síðri.
Rikka og Kári
Fjölmiðlakonan Friðrika Hjördís Geirsdóttir gekk í hjónaband í október með Kára Hallgrímssyni stjórnanda á skuldabréfasviði fjárfestingabankans J.P. Morgan.
Róbert Wessman og Ksenia
Róbert Wessman forstjóri Alvogen og Ksenia Shakhmanova giftust í Frakklandi í ágúst.
Helena og Guðlaug
Knattspyrnukonurnar fyrrverandi Helena Ólafsdóttir og Guðlaug Jónsdóttir gengu í hjónaband á Laugardalsvelli í sumar.
Bolli og Inga María
Athafnamaðurinn Bolli Kristinsson og leikkonan Inga María Valdimarsdóttir létu pússa sig saman í Bústaðakirkju 1. ágúst.
Halldór og Sigríður
Halldór Halldórsson, forstjóri Íslenska kalkþörungafélagsins ehf., og Sigríður Hjálmarsdóttir, framkvæmdastjóri Hallgrímskirkju, giftu sig í sumar.
Erla Hlín og Frosti Gnarr
Erla Hlín Hilmarsdóttir, förðunarfræðingur og eigandi Ekta, og Frosti Gnarr, hönnuður og starfsmaður efni.is, gengu í það heilaga í júní.
Margrét Eir og Jökull
Söngkonan Margrét Eir Hönnudóttir gekk að eiga unnusta sinn, Jökul Jörgensen, í júní í Fríkirkjunni í Hafnarfirði.
Sunna og Gunnar Bragi
Sunna Gunnars Marteinsdóttir og Gunnar Bragi Sveinsson, fyrrverandi þingmaður Miðflokssins, gengu í hjónaband í sumar.
Glódís og Steinþór Helgi
Jarðfræðingurinn Glódís Guðgeirsdóttir og athafnamaðurinn Steinþór Helgi Arnsteinsson létu pússa sig saman á veitingastaðnum Vagninum á Flateyri í júlí.
Þórhildur Sunna og Rafal
Alþingiskonan Þórhildur Sunna Ævarsdóttir og Rafal Orpel gengu í hjónaband í byrjun júlí. Athöfnin fór fram í garðinum heima hjá þeim.
Gunnar og Hirako
Leikarinn og dagskrárgerðarmaðurinn Gunnar Hansson og Hiroko Ara gengu í hjónaband í ágúst.
Heiða Ólafs og Helgi Páll
Söngkonan Heiða Ólafs og hugbúnaðarverkfræðingurinn Helgi Páll Helgason gengu í hjónaband í júlí.