Helga Arnardóttir og Bragi Þór Hinriksson gengu í hjónaband á laugardaginn var. Athöfnin sjálf fór fram í Dómkirkjunni í Reykjavík og var það Guðni Már Harðarson sem gaf hjónin saman. Eftir athöfn var haldið í Iðnó, þar sem ráðahagnum var fagnað af öllu hjarta.
Helga hefur starfað lengi í fjölmiðlum en Bragi Þór er leikstjóri. Parið hnaut um hvort annað fyrir nokkrum árum en 2020 eignuðust þau son. Þau eiga alls fjögur börn.
Smartland greindi frá því á dögunum að Helga og Bragi Þór hygðust flytja þegar þau settu íbúð sína í Hlíðunum í Reykjavík á sölu.