Það var líf og fjör á landsmönnum um helgina. Forseti lýðveldisins, Guðni Th. Jóhannesson, átti afmæli um helgina og hélt upp á daginn á Sauðárkróki. Sá bær er þekktur fyrir margt gott en þess má geta að Auðunn Blöndal eða Auddi Blö bjó þar lengst af eða áður en hann flutti í Fossvoginn.
Brynhildur Gunnlaugsdóttir naut lífsins í Króatíu en þar er heitt og notalegt eins og myndin gefur til kynna.
Tónlistarkonan Svala Björgvinsdóttir birti mynd af sér í toppi sem er í miklu uppáhaldi. Um helgina bárust fréttir af því að Svala væri komin á fast aftur, eftir að upp úr sambandi hennar og Kristjáns Einars, slitnaði en hann er í fangelsi á Spáni.
Kolbeinn Tumi Daðason og Selma Björnsdóttir eru í sumarfríi þessa dagana en hér eru þau að njóta lífsins undir regnhlíf. Parið festi kaup á íbúð á dögunum og standa í miklum framkvæmdum.
Camilla Rut klæddi sig í sítt ljóst pils og ljósa blússu en játaði að það hefði tekið sinn tíma að gera sig klára því hún hafi þurft að teipa niður á sér brjóstin.
Crossfit-stjarnan Tanja Davíðsdóttir fagnaði afmæli kærasta síns um helgina.
Rúrik Gíslason birti sjóðheita mynd af sér, þar sem hann skartaði stráhatti og ljósri skyrtu sem hann girti vandlega ofan í buxurnar.
Heiðdís Rós förðunarmeistari, sem er búsett í Bandaríkjunum, sýndi hvernig hægt er að mastera náttúrulega förðun.
Sunna Valgerðardóttir klæddi sig upp á til að fagna brúðkaupi Helga Seljan og Katrínar Rutar Bessadóttur.
Tónlistarkonan Þórunn Antonía birti seiðmagnaðar myndir af sér þar sem hún stillti sér upp fyrir bandaríska ljósmyndarann Rush Zimmerman. Myndirnar eru þó ekki alveg nýjar af nálinni.
Áhrifavaldurinn Kristín Pétursdóttir fagnaði útskrift bróður síns af leikarabraut úr Listaháskóla Íslands. Nú geta þau farið að bítast um hlutverkin en sjálf er Kristín leikkona.
Marín Manda Magnúsdóttir útskrifaðist með meistaragráðu í hagnýtri menningarmiðlun. Hún fagnaði í fallegri bleikri dragt og var alsæl eins og sést á myndinni.
Félagarnir Friðrik Ómar og Jógvan Hansen skemmtu sér vel í veðurblíðunni í Svíþjóð.
Hera Gísladóttir stillti sér upp í fallegum sæbláum samfestingi áður en hún skellti sér út á lífið um helgina.
Þórdís Björk Þorfinnsdóttir Reykjavíkurdóttir og leikkona sveif yfir New York.
Forsetahjónin fögnuðu 54 ára afmæli Guðna Th. Jóhannessonar forseta Íslands á ÓB fótboltamótinu á Sauðárkróki. Hvar er betra að verja afmælinu sínu en í heimabæ Audda Blö - sjálfum Sauðárkróki?