Stjörnuparið Ozzy og Sharon Osbourne fögnuðu í gær 40 ára brúðkaupsafmæli sínu. Ozzy deildi mynd á Instagram af þeim hjónunum á brúðkaupsdeginum þar sem þau eru nær óþekkjanleg í hvítum klæðum með ljósa lokka.
„Fyrir 40 árum! Til hamingju með brúðkaupsafmælið ástin mín,“ skrifaði rokkarinn við myndina.
Sharon deildi einnig mynd af þeim á Instagram, en þar eru þau þónokkuð rokkaralegri.
Ozzy og Sharon eiga saman þrjú börn, þau Aimée, Kelly og Jack. Það er óhætt að segja að hjónaband þeirra hafi ekki verið dans á rósum, en þau hættu saman um tíma í maí 2016 eftir 33 ára hjónaband þegar upp komst um framhjáhald Ozzy. Þau náðu þó sáttum og endurnýjuðu heit sín í september sama ár.