Meghan, hertogaynja af Sussex, klæddist rauðu frá toppi til táar þegar hún hélt ræðu í Manchester á mánudaginn. Liturinn gerði það að verkum að allir tóku eftir hertogaynjunni.
Meghan klæddist rauðum buxum og rauðri skyrtu frá merkinu Another Tomorrow. Á sumum myndum virðist dressið vera fötin voru rauð. Hún klæddist svo skóm frá uppáhaldsmerkinu sínu, Aquazzura. Eiginmaður hennar, Harry Bretaprins, klæddist látlausum jakkafötum.
Rauði liturinn og buxurnar gáfu Meghan vafalaust sjálfsöryggi og kraft fyrir ræðuna sem hún hélt um kvöldið. Þetta var fyrsta ræðan sem Meghan hélt í Bretlandi eftir að hún og Harry ákváðu að hætta að starfa fyrir bresku konungsfjölskylduna en í kjölfarið fluttu þau til Bandaríkjanna. Breska pressan hefur farið ófögrum orðum um Meghan að undanförnu eftir að umdeildir hlaðvarpsþættir með henni komu út. Í þáttunum er hún dugleg að tala um sjálfa sig.