Hanna Ingibjörg Arnarsdóttir er hætt að ritstýra tímaritunum Húsum og híbýlum og Gestgjafanum. Hún tók við ritstjórastarfi á Gestgjafanum 2016 og á Húsum og híbýlum 2019.
Sigríður Dagný Sigurbjörnsdóttir framkvæmdastjóri útgáfufélagsins Birtíngs, sem gefur út Hús og híbýli, Vikuna og Gestgjafann, staðfestir þetta í samtali við Smartland.
Hún segir að fyrirtækið sé að ganga í gegnum breytingar.
„Það er ekkert óeðlilegt við það að fyrirtæki taki breytingum,“ segir hún og bætir við:
„Birtíngur hefur verið í stafrænni stefnubreytingu í nánast 2 ár og skipulagsbreytingar eru partur af því,“ segir hún en í sumar var Steingerði Steinarsdóttur sagt upp sem ritstjóra Vikunnar og Guðrún Óla Jónsdóttir ráðin í staðinn.