„Ég er ekki enn búinn að kveikja á mannlegu hliðinni. Ég veit ekki hvernig mér líður, ég veit ekki hvernig mér á að líða. Ég veit ekki hvernig ég á að haga mér? Hvað gerir maður eftir svona? Þetta verður aldrei tekið til baka,“ segir Kristján Einar Sigurbjörnsson sem sat átta mánuði inni í fangelsi á Spáni í viðtali við Sölva Tryggvason.

Kristján losnaði úr fangelsinu fyrir um viku síðan og segist ekki vera byrjaður að vinna í áfallinu. Hann lýsir svefnleysi og að hann muni sennilega aldrei ná að vinna almennilega úr þessari lífsreynslu.

Frétt af mbl.is

Kristján Einar opnar sig um handtökuna á Spáni

„Þegar ég sofna. Alltaf sami draumurinn, að ég sé kominn aftur í fangelsið,“ segir Kristján sem segist vera hræddur við að sofna og dæla sig í svefntöflum til að reyna að finna einhverja ró.

Kristján segir að hans varnarviðbrögð séu að að brosa og hlæja og láta eins og ekkert sé. Hann sé kannski sniðugur og skemmtilegur á samfélagsmiðlum en undir niðri líði honum ekki þannig. „Ég held ég sé ekki búinn að átta mig á því hvað gerðist þarna inni,“ segir Kristján. 

Hann segir að hann hefði átt að fara inn á geðdeild um leið og hann kom til landsins. Ég held það gæti komið einn dagur þar sem ég dett bara í taugaáfall.

„Það er allt á fullu. Það þarf allt að gerast núna. Ég þarf að bæta allt upp. Ég þarf að kaupa íbúð, kaupa nýjan bíl. Það sem ég hefði átt að gera, og ætti að gera, er að leggja mig inn á geðdeild. Það er það sem ég ætti að gera. En ég er þrjóskur andskoti og sjómaður og maður á víst bara að harka þetta af sér,“ segir Kristján Einar og segist almennt hafa tekist á við þannig áföll alla sína ævi. 

Vannærður í fangelsinu

„Þetta voru bara kartöflur. Bara kartöflur. Annað hvort kartöflur stappaðar með lauk. Kartöflur í bátum. Kartöflur í lalala. Þetta var engin næring. Enda held ég að ég hafi tapað yfir 20 kílóum þarna inni,“ segir Kristján. 

Hann segir það líka hafa verið erfitt að sofa í fangelsinu. Hann hafi farið að sofa, dreymt að hann væri í fangelsi, og síðan vaknað og verið í fangelsinu. „Eina sem þú hugsar um allan daginn er fangelsi,“ segir Kristján. 

„Það vissi enginn hvað var í gangi“

Kristján segir að hann hafi losnað úr fangelsinu sama dag og hann fékk fregnir af því að samningur hafði nást í máli hans. Hann segist ekki hafa náð að meðtaka tilfinningar og verið algjörlega tilfinningalega dofinn.

Kristján segist ekki enn vita almennilega á hvaða grundvelli hann var frelsissviptur í átta mánuði. „Þetta er brotnasta kerfi sem ég hef vitað af. Ef þú ert kominn inn, þá ertu fastur þarna inni,“ segir Kristján. 

Hann segir að brotaferill hans hafi ekki haft áhrif á mál hans á Spáni. Kristján Einar var sakfelldur fyrir fíkni­efna- og vopna­laga­brot árið 2019. Í héraðsdómi var hann einnig sakfelldur fyrir líkamsárás, en var sýknaður af henni í Landsrétti í maí árið 2021. 

Viðtalið í heild sinni má nálg­ast á YouTu­be og á vefsíðu þátt­anna.

Tengdar fréttir

Podcast með Sölva Tryggva

„Fólk er hætt að nenna að tala illa um mig”

• Ásgeir Kolbeins: Sterkari eftir erfiðleika
• „Það breyttist allt eftir að hann dó“
• Það þarf að hætta að tala karlmenn og karlmennsku niður
• „Kærastan mín horfði á mig fjara út“

» Fleiri tengdar fréttir

Kristján Einar

Beggi Ólafs fetar í fótspor Kleina og Hafdísar

• Hafdís sendi Kleina hjartnæma afmæliskveðju
• Kleini sneri aftur á samfélagsmiðla: „Ertu að gefa mér Porsche?“
• Hafdís fetar í fótspor Kleina og tekur samfélagsmiðlapásu
• Skilja símana eftir heima þegar farið er í frí

» Fleiri tengdar fréttir

• Blogga um frétt