Þorsteinn Halldórsson, þjálfari kvennalandliðs Íslands, og Brynja Scheving, skólastjóri í Ballettskóla Eddu Scheving, gengu í hjónaband í Las Vegas í Bandaríkjunum í gær. 

Hin nýgiftu hjón greindu frá hjónabandinu á samfélagsmiðlum. Þau birtu myndir af sér við hið vinsæla skilti á leið inn í borgina og fögnuðu meðal annars með hressum stuðningsmönnum Argentínu, sem fögnuðu sigri í undanúrslitum heimsmeistaramótsins í Katar í gær.

Brynju þekkja margir úr Ballettskólanum en hún hefur líklega kennt helmingi höfuðborgarbúa sín fyrstu ballettspor. Þorsteinn tók við kvennalandsliðinu í janúar 2021 og stýrði meðal annars liðinu á EM í sumar. 

Vinsælt er að ganga í hjónaband í Las Vegas en þar úir allt og grúir í litlum fallegum kapellum þar sem hægt er að ganga í hjónaband. 

Smartland óskar þeim innilega til hamingju með ástina!

Tengdar fréttir

Brúðkaup

TikTok-myndband frá brúðkaupsdeginum fékk harkaleg viðbrögð

• Bróðurdóttir Díönu í hnapphelduna
• Atli og Hanna Kristín trúlofuð
• Alexander farðaði Sophie Tweed Simmons fyrir brúðkaupið í Los Angeles
• Stefán Jak og Kristín Sif giftast í september

» Fleiri tengdar fréttir

• Blogga um frétt